lily birthday

Ladki ek armaan ki

balihari mushkaan ki

lagti hai anjaan si

chillati hai tufaan si

khel palat jaata chhan me

bhar jaata umang man me

phirto dhoom machati hai

 gale lipate harshati hai

bachho ki mandali badi

jisme lagti swachand padi

pyaar lutati hai sabko

iski dunia hari bhari

shaam me jab din dhal jata hai

gend liye shishuoon ka dal jut jaata hai

lili lilishor macha hai

sabka man harshata hai

do hi varsh bitaya hai

itne me kya paya hai

hansi khushi ki chhap liye hi

naya janmdin aaya hai

---- nanaji on 2nd birthday of lily

Lily ji ki kavita

Dekh paratha aaloo ka
ji lalchaya bhalu ka
bola main bhi khaunga
kuch ghar bhi le jaunga
lomdi boli na na na..
kuch ghar bhi le jana na
itna sek na paungi
khud bhookhi rah jaungi

lily

Goli Aur Paigaam

Bahut kuch kulbulata hai bhitar

Jab galat hota dekh kar bhi

Chup rah jana hota hai

Anarth hota jaankar bhi

Anjaan ban janaa parta hai

Badi se badi anhoni per bhi

Chokna nahi nirvikaar rahna hota hai

Jane yah hamari vivshta hai ya kalyugi kamjori

Jisne hame danisho ke shreni me khara kiya hai.

Pratikaar karna virodh karna

Dakiyanushipan hai jo hame

Pragtisheel hone se rokte hai

Vaibhav ka aadamber chut jata hai

Jo hame loktantra ki agli pankti me khara karte hai.

Esliye hum samaadhan nahi samjhauto ki baat karte hai

Shanti nahi batchit ke aayam dhondhte hai.

Goliyan to nirdosh or sanik jhelte hai

Per hum paigam bhaijte hai

Tabhi to jeeti baji hum

Haar jate hai

Baar baar haar jate hai.